Journée régionale du plan de lutte contre la pauvreté et pour l'inclusion sociale à Porticcio
(A redazzioni d'Alta Frequenza) - A ghjurnata regiunali di u pianu di lotta contr'à a puvartà è pà l'inclusioni suciali! Hè a manifistazioni chì hè principiata stamani pà durà a ghjurnata sana in a CCAS di Purtichju. Urganizata da u Statu in cullaburazioni cù a Cullittività tarrituriali di Corsica, ssa ghjurnata t'hà com'è scopu di sinsibulizà tutti i partinarii istituziunali è assuciativi à a necessità di travaghjà in cumunu pà riducia a puvartà in Corsica. Quandu si sà chì un Corsu nant'à cinqui campa cù menu di 970 auri pà mesi, si pò dì chì c'hè assai travaghju à fà è chì qualsiasi perdita in a materia hè un errori gravi di a sucità. U prifettu di Corsica l'hà ramintata stamani : l'accessu à i diritti ferma un prublema maiò parchì a puvartà, a precarità, ùn parmettini micca troppu spessu d'acceda à tutti i dispusitivi d'aiutu. A Cullittività di Corsica, chì t'avarà da quì à calchì mesi cumpetenzi più impurtanti in materia suciali, hà presu in carica ssu prublema; comu?
Steti à senta à Gilles Simeoni, u presidenti di l'Esecutivu.
Sur le même sujet
