JA: 2A 2B +
(A redazzioni d'Alta Frequenza) - I dui J.A di Corsica, pà quilli chì ùn cunnoscini micca sò i sindicati di i ghjovani agricultori, ani ufficializatu arimani (marcuri) in Corti u sindicatu righjunali. Dighjà urganizati cù strutturi dipartimintali è spiccati da a fruntiera micca sempri artificiali di Vizzavona, i ghjovani agricultori ani dicisu di passà sopra u pesu di a storia è quillu, ci voli à dì la dinò, di i strutturi. Travaghjà insemi mentri chì sò in traccia d'essa difiniti in Brussels i misuri di una pulitica agricula cumuna nova era d'appressu à i ghjovani di i mistieri agriculi più cà nicissariu. Prova si n'hè di una bona vuluntà, a struttura righjunali sarà gistata da dui presidenti, Laurent Cristofari è Pierre Toussaint Gaffory, unu s'accuparà di u settori vegetali è l'altru di u settori animali.
Steti à senta à Pierre Toussaint Gaffory.
Sur le même sujet
