Isula Morta : l'indécision règne chez les commerçants de Bastia
(A ridazzioni d'Alta Frequenza) - Sò difficiuli à truvà, i cumircianti chì vurriani parlà di manera sfacciata di a ghjurnata « isula morta » avviata da a maiurità tarrituriali par ghjovi, par cuntistà a pulitica corsa di u prisidenti lla ripublica francesa, emmanuel macron. In Bastia, in centru cità, spinti i micrò, pà u più parini indicisi l’aienti, è pari ch’idd’aspettini i dicisioni di l’altri cumircianti, à torru ad iddi, innanzi di fà una scelta. Certi ani aghjà dicisu d’ùn participà, parvia di raghjoni ecunomichi, o ancu parchì ùn li cunvenini nè a manera, nè u mumentu sceltu. Infini ci n’hè, è sò quant’è quiddi ch’ùn participarani, ch’ani sceltu di cuntribuì à issa manifistazioni, è chì chjudarani u so cumerciu, ùn sichi chè pà una parti lla ghjurnata. Dui di quissi ani accittatu di parlà ni : Antonu Filippi, chì t’hà un magazenu di prudutti corsi, è Philippe, un tattuatori. Par l’unu com’è par l’altru, hè una causa chì si mireta di sacrificà li una meza ghjurnata di travaddu.
I stemu à senta
Sur le même sujet
