Intempéries en Corse : Gilles Simeoni souhaite que la question du réchauffement climatique soit incluse dans les discussions avec Paris
Duminica à sera, Gilles Simeoni hà publicatu un cumunicatu, ind’iddu parla di a timpesta di ghjovi.
Ditti i parolli di cumpassioni pà i famiddi di i morti è i ferti, è dati i ringraziamenti à i succorsi, si quistiunighja u prisidenti di l’esecutivu.
« Un si saria po’ pussuta anticipà a ghjunta d’issu timpurali for’di misura, ùn mittindu à u scartu u scinariu u più pessimu di i varii ipotesi ?
Incù signoli à u largu lla Corsica, ùn si saria pussuta priveda a viulenza lla timpesta innanzi ch’idd’ùn tocchi u litturali ? I dati colti da i dui radar d’analisi di i piuviti in Corsica, ùn ci vurria à trasmetta li autumaticamenti à i sirivizia cintrali par fà ni subitu l’analisi ? I calati d’effettivi à Meteò france avarani diminuitu a qualità lla surviglianza, masimu di notti ? ».
Gilles Simeoni dici chì a Corsica devi binifizià d’un sirviziu publicu di qualità adattu à i so spicificità, par ciò chì tocca à a meteorologia.
À liveddu più puliticu, dici Gilles Simeoni chì « a Corsica, com’è ugni tarritoriu llu tarraniu, devi essa di manera sistimatica – moltu più issendu isula – impignata in a lutta contru à u riscaldamentu climaticu è in a transizioni eculogica, è in tutti i so pulitichi publichi. Pò è devi duvintà un tarritoriu isulanu nuvativu. Iss’ughjittivu strategicu hè statu postu u 28 di luddu, in u discorsu d’apartura di a sissioni di l’assemblea di Corsica ».
In cunsiquenza, u cunsigliu esecutivu lla Corsica hà da prupona à l’assemblea corsa d’integrà a lutta contru à u riscaldamentu climatica è a transizioni eculogica da assi transvirsali maestri, in lu quadru di i discussioni avviati trà a Corsica è u statu ».
Sur le même sujet
