Injures publiques envers Dominique Erignac : cinq mois de prison ferme requis à l'encontre de Charles Pieri, délibéré mardi prochain
(A ridazzioni d'Alta Frequenza) - Issu marti, Carulu Pieri, chì ùn c’era à l’audienza, era ghjudicatu pà « inghjulii publichi par via di l’urighjina è u sessu », in seguitu à una publicazioni Facebook à intinzioni di Dominique Erignac, vidiva llu prifettu lla Corsica, Claude Erignac. Caroline Tharot, a prucuratrici lla ripublica di Bastia, chì pensa chì Carulu Pieri hà vulsutu purtà l’affari à nantu à u tarrenu puliticu mentri a so guardia à vista, hà dumandatu, contru ad iddu, cinqui mesa fermi di prighjoni è 15 000€ d’amenda. Pà a prucuratrici, i dati ricuparati à nantu à u matiriali siquistrati in casa di Carulu Pieri, cù d’altri elementi lla inchiesta, dani a prova ch’idd’hè iddu l’autori d’issi parolli. L’avucatu di Carulu Pieri, Eric Barbolosi, hà piitutu pà a so discolpa. Par iddu, i parolli, supposti, di u so clienti ùn poni essa qualificati com’iddi sò da issa missa in asaminu, postu ch’idd’ùn toccani nè à tutti i donni, nè à tutti i francesi. S’iddu capisci, l’avucatu, ch’iddi si poschini truvà vituperii issi parolli, dici dinò chì, cù issa qualificazioni, ùn poni essa cundannevuli. Un ghjudicamentu sarà datu marti ch’entri.
Stemu à senta à Eric Barbolosi, l’avucatu di Carulu Pieri
Sur le même sujet
