Incendies dans le cortenais : un jeune homme jugé ce lundi en comparution immédiate
(A redazzioni d'Alta Frequenza) - Ssu sabbatu, u prucuratori di a Republica di Bastia, Nicolas Bessone, hà annunziatu chì un ghjuvanottu di vint'anni, maccelaru in Corti, sarà ghjudicatu subbitu luni davanti u tribunali currizziunali di Bastia pà disguasti vuluntarii grazia à u focu. Arristatu ghjovi à sera in Favalellu in azzioni, hè suspittatu d'avè fattu nascia dodeci fochi, frà i quali u più gravi hà distruttu vint'ettari di machja in u Poghju di Venacu, fochi lucalizati in u Curtinesi è u Centru di a Corsica. U ghjuvanottu, in ditenzioni pruvisoria fin'è l'audienza di luni, avaria palisatu mentri a guardia custodia, sicondu u prucuratori, d'essa à l'urighjini di cinqui di i dodeci fochi chì li sò rimpruvarati, un ghjuvanottu di quali a rispunsabilità saria alterata sicondu i spertizi rializati, postu ch'ellu t'avaria un sindromi di pirumania.
Steti à senta à Nicolas Bessone, u prucuratori di a Republica di Bastia.
