Incendie du site de Corse Composites à Bastelicaccia : surveillance du risque de pollution
(A redazzioni d'Alta Frequenza) - In un cumunicatu, a prifittura di Corsica faci sapè chì dopu à u focu chì hà toccu u situ di Corse Composites Aéronautiques in Bastilicaccia dumenica scorsa, un seguitu di a reta d'acqua piuvana hè statu missu in ballu da i servizi di u Statu. À partasi di luni da mani, prilevamenti d'acqua è di sedimenti sò stati rializati da a direzzioni dipartimintali di i tarritorii è di u mari è u laburatoriu dipartimintali d'analisi in parechji lochi trà l'intrapresa è l'imbuccatura di u fiumi toccu da i prudutti chimichi chì si sò svirsati. I primi risultati mostrani nivelli di PH, di timperatura è d'ossigeni in leia cù i normi. I risultati rilativi à a prisenza di sustanzi chì pudariani pulluà sarani cunnisciuti da quì à calchì ghjornu. U seguitu sarà mantinutu pà i sittimani chì venini cù prilevamenti rigulari. Pà misura di sicurezza, u pumpami da l'agricultori è i particulari di l'acqua di a Gravona in una zona pricisa ferma scunsigliatu fin'à quandu s'avarà di più infurmazioni. Ss'episodiu hà avutu nisun cunsiquenza nant'à l'acqua chì pò essa bita in casa.
Sur le même sujet
