Le Direct

Inauguration ce jeudi de l’usine de potabilisation de Bonifacio

Hè stata inaugurata ghjovi in Bonifaziu l’usina di putabilisazioni di l’acqua.

« 27 anni dopu à a stazioni pruvisoria, a noscia municipalità hà fattu un passu storicu dendu à i bunifazinchi un echipamentu mudernu, funziunali è duratoghju, pà una qualità d’acqua rinfurzata, una sicurità di l’appruvistera è una cuntinuvità di i sirvizia in ugni circustanza.

L’usina di putabilisazioni di Cavaddu Mortu hè stata cuncipita da risponda à i bisogna d’una cumuna primurosa di i so risorzi, chì s’accoddi più di dui miliona di parsoni in una stratigia di turismu duratoghju, ma ancu da pudè luttà contru à l’effetti di u cambiamentu climaticu », hà dittu u merri Jean-Charles Orsucci.

Pà iss’uparazioni ci hè vulsutu unu invistimentu di più di setti miliona, finanzatu à 58 % da u statu (Agenza di l’Acqua – DSIL – PEI), à 37 % da a cumuna è à 5 % da a Cullittività di Corsica.