Haute-Corse : le point sur les incendies
I spinghjifoca di u Cismonti ani fattu un bilanciu di i foca.
Quiddi chì currini sempri – in Linguizzetta, Casamacciuli, Suveria è Corti) sò suttimissi à una surviglianza attiva, cù 130 parsoni è 55 ardigni mubilizati supr’à locu.
Un altru focu hè scappatu in Casamacciuli à deci ori è mezu lla mani, è ci si sò impignati i spinghjifoca di u Niolu è di Corti, u sceffu di u gruppu di pirmanenza, u sceffu di u CS di u Niolu , è l’elicottaru bumbardieri d’acqua Puma Delta, chì hà lampatu acqua deci volti.
Un altru focu hè statu signalatu in a Ghisunaccia à un’ora menu un quartu, in u locu chjamatu « Cave Duriani », cù uni pochi di casi à torru.
Quattru di i mezi di u dispusitivu di surviglianza sò stati ingagiati par difenda i punti sinsibuli, à tempu à u sceffu di centru di a Ghisunaccia chì hà presu u cumandu di l’uparazioni di succorsu.
U focu hè statu ammaistratu à dui ori menu deci.
Trè mila metra quadrati di licci è machja sò picciati.
Sur le même sujet
