Le Direct

Grande Braderie d'Ajaccio : rencontre avec la présidente de l'association Core Cità

(A redazzioni d'Alta Frequenza) - Com'è no a vi diciami ind'i nostri nutiziali scorsi, a cità d'Aiacciu, a Camara di Cumerciu è d'Inustria di Corsica Suttana è parechji associ di cumircianti prisentani, pà a siconda annata di fila a Vendita Maiò di u Centru Cità d'Aiacciu. Un'uparazioni pà tutti quilli chì pudariani fà boni affari, ma chì t'hà dinò un scopu pedagogicu cù daretu à què a voglia di fà rinascia u cori storicu è patrimuniali di a cità. Pà rializà ss'uparazioni com'ellu ci voli, è altri chì sò à u nivellu di i prughjetti, un manager pà u centru di a cità hè statu impiegatu. U so rolu hè par asempiu di mubilizà è d'animà a reta di l'attori di u tarritoriu, è d'aduniscia eppo d'impignà u mondu di i cumircianti. Ssa ghjunta nova in a cità s'hè fatta dinò à tempu à a criazioni di novi associ di cumircianti. C'hè par asempiu l'associu Core Cità chì adunisci i settori di ciò chì si chjama "l'Avenue de Paris", di u Corsu Grandval, di u carrughju Maréchal Ornano, di a Galeria di u Diamanti è di i carrughji vicini.

Scontru cù a presidenti di Core Cità Jeanine Frassati.