Ghjurnate di Corti: un débat très satisfaisant pour Jean-Baptiste Luccioni
(A redazzioni d'Alta Frequenza) - I 32i Ghjurnate Internaziunali di Corti si sò compii arisera (dumenica). Una nova edizioni chì hà adunitu parechji dilegazioni internaziunali, duranti tutta a dumenicata, ma dinò eri dopu meziornu sfarenti cunsighjeri tarrituriali ed esecutivi invitati da Corsica Libera, chì urganizavani l'avenimentu. Maria Giudicelli, incaricata di u cartulari di u Padduc è di u statutu di residenti, è Petru Ghionga pà u latu lingua corsa raprisintavani l'esecutivu, eppo Jean Baptiste Luccioni, cunsighjeru tarrituriali pà Corse Social Démocrate pà u dibattitu di u dopu meziornu; mancava inveci Pierre Chaubon, chì porta a dumanda di riforma istituziunali, par raghjoni medicali. À a tribuna, pà ssu grand dibattitu, Femu a Corsica era prisenta dinò, senza sminticà u diputatu aurupeu François Alfonsi. Scambii custruttivi, cù una vera voglia di tuttu ognunu, malgradu i sfarenzi, di crià una maiurità forti à l'assemblea di Corsica, pà neguzià dopu cù l'istanzi pulitichi naziunali i più alti nant'à i quistioni fundali pà l'avvena di l'isula. Jean Baptiste Luccioni, pà Corse Social Démocrate, hè statu unu di i primi, dopu à Corsica Libera, à batta à prò di un statutu di residenti. Ss'ultimu hè partutu cuntentu dopu à ssi dibattiti, è prontu pà cuntinuà à travaghjà à l'assemblea di Corsica, pà dà una piazza specifica à a Corsica ind'a Republica.
Ecoutez-le.
Sur le même sujet
