Ghjurnate di Corti : le sentiment de Jean-Charles Orsucci
(A redazzioni d'Alta Frequenza) - Ci voli à entra in una fasa di cuncretisazioni di tutti i dibattiti vutati da l'Assemblea di Corsica ! Eccu u missaghju lampatu arimani (dumenica) da Corsica Libera duranti i Ghjurnati di Corti. U muvimentu puliticu stima chì i dicisioni fundamintali presi da l'autorità pulitica a più alta di l'isula è u fattu chì u FLNC annunziessi ch'ellu pianta a viulenza pulitica, inghjennani una situazioni eccezziunali pà pudè ingaghjà a Corsica annant'à a strada di un arrigulamentu glubali di a quistioni. Corsica Libera stima chì ssu prughjettu glubali devi sorta oghji da l'istanzi pulitichi pà vultà versu u populu ed hè ciò chì s'hè passatu à pocu pressu arimani in Corti. Hè vera chì a diritta ditta republicana, a manca, à quali si pò attribuiscia u listessu qualificativu, è una parti solu di u muvimentu naziunalistu ùn ani micca cunclusu arimani un accordu di partenariatu furmalizatu. Eppuru i scambii trà Jean Martin Mondoloni, Jean Charles Orsucci è Emmanuelle de Gentili, Petru Ghionga è Jean Baptiste Luccioni ani dimustratu à Jean Guy Talamoni è François Sargenti chì una strada era pussibuli annant'à un parcorsu di u "fà insemi". Jean Martin Mondoloni è Jean Charles Orsucci sò andati abbastanza luntanu ind'a critica di a so famighja pulitica rispittiva. Senza vulè entra ind'a critica faciuli di u ghjacubinisimu republicanu, ani insistutu annant'à l'assenza vera in Parighji d'intarpritazioni di i rialità isulani. Jean Charles Orsucci hè statu propiu putenti annant'à ssa quistioni quì. Ci dà u so parè annant'à a situazioni pulitica nova in Corsica in ssu mumentu.
Steti à senta à Jean Charles Orsucci.
Sur le même sujet
