Football (National) - Le titre de champion ce soir pour le GFCO Ajaccio ?
(A redazzioni d'Alta Frequenza) - Dopu ad avè validatu u so bighjettu pà a Lega 2 a settimana scorsa in Épinal, u Gazélec d'Aiacciu chjodi u so campiunatu Naziunali stasera (sabbatu) in Mezavia, contr'à Niort. Aiaccini chì pruvarani oramai à buscà si u titulu di campionu di Francia, da compia di a più bella manera una staghjoni storica pà a squadra di Fanfan Tagliaglioli. Pà què, ci voli à batta à Niort, terzu è chì ùn hà ancu assicuratu a so piazza à u pianu sopra, è chì in issu mentri Nîmes, leader cù un puntu in più nant'à u GFCOA, ùn vincessi micca in Vannes. Da u cantu di u gruppu, tuttu u mondu hè què, fora di Rachidi, suspesu, è di Boesso, chì hà cunfirmatu a so partenza pà u Celtic Glasgow. I ghjucadori di Dumè Veilex, ind'un Ange Casanova in focu, vularani senza dubbitu alcunu chjoda à u meghju issa staghjoni 2011-2012, lachendu un annu in più u titulu di campionu di Naziunali in Corsica, un annu dopu à u SC Bastia. Un scontru chì principiarà à 8 ori.
Écoutez l'entraîneur du GFCO Ajaccio.
