Football (National) - Le GFCO Ajaccio sur le toit du National
(A redazzioni d'Alta Frequenza) - Ghjocu à ballò, Naziunali, u GFCO Aiacciu, dopu à un scontru cumpletamenti scemu, hà fattu un grandi passu ver di a cullata in Lega 2 arisera (vennari) in Cherbourg. In fatti, i diavuli rossi ani guadantu 5 reti à 4, contr'à una squadra di Cherbourg chì s'hè battuta com'è mai, è chì, manchendu un penalty à 4 à 4, hà forsa mancatu un'uccasioni d'alluntanà si da a zona di rilegazioni. Si pinsava chì u Gazélec avia da passà una sirata tranquilla, dopu ad avè scrittu trè reti ind'u primu periudu, è essa à 3-0 à a pausa. Ma i lucali sò vultati ind'a partita ind'u sicondu tempu, arrichendu un suspense incridibuli inde l'ultimu quartu d'ora. Infini, sò l'Aiaccini chì si buscani i trè punti di a partita, grazia à un reta missa inde l'ultimi tempi di u scontru. Issa vittoria, aghjunta à i gattivi risultati di Niort, Epinal è Vannes, parmetti à i Corsi di passà leaders di u campiunatu, è di pighjà una bella avanza nant'à u 4u. I porti di a Lega 2 sò più cà aparti pà u Gazélec.
