Football (National) - Le GFC Ajaccio chute à Vannes (2-1)
(A redazzioni d'Alta Frequenza) - Uparazioni propiu nigativa pà u GFC Aiacciu chì hà persu ssu vennari à sera in Vannes 2-1, pà a 22a ghjurnata di Naziunali. Eppuru sò l'aiaccini chì ani scrittu a prima reta à a 23a minuta grazia à Rafik Boujedra, dopu à una bella penalità da luntanu di Ali M'Madi. Ma i brittoni, in gattiva pusizioni, ci l'ani fatta à riagiscia à a 42a minuta avendu un penalty trasfurmatu dopu da Dufrennes. I ghjucadori di Vannes sò passati davanti, è què di manera difinitiva, à a 52a minuta cù un tiru di più di vinti metri di Thomasson. Dopu à ssa disfatta ind'è una di l'ultimi squadri di u campiunatu, u GFCA ferma terzu ma vedi a so avanza annant'à u quattriesimu ridutta à dui punti, postu chì Fréjus Saint Raphaël hà battutu à Luçon. Pà a ghjurnata chì veni, i corsi ricivarani in Mezavia una furmazioni chì pò sempri creda à a cullata in Lega 2, Bourg Péronnas.
Sur le même sujet
