Football (National) - Le CA Bastia puni à Carquefou (5-0)
(A redazzioni d'Alta Frequenza) - In Naziunali, u CA Bastia hà persu in Carquefou 5-0, una disfatta appena surpresa. Eppuru i bastiacci ani risistutu duranti guasgi tuttu u primu tempu, Carquefou scrivendu a prima reta solu à a 38a minuta cù Thomas. Dopu à a pausa, Lombard parmittia à i soi di tena calchì spera caccendu un penalty di Békamenga à a 49a. Ma à a 65a, Martin duppiava l'affari. 2-0, eccu u risultatu fin'è l'82a minuta duva a partita hè divintata propiu scema cù a terza reta di Delanoé, imitatu dui minuti dopu da Créhin, iss'ultimu chjudendu u successu di a so squadra à l'89a minuta. Dopu à issa partita, u CA Bastia teni u so settesimu postu à a classifica.
Sur le même sujet
