Football (National) - Défaite 2-0 du CA Bastia à Créteil
(A redazzioni d'Alta Frequenza) - In Naziunali, u CA Bastia hà rializatu un'intrata difficiuli, avendu persu 2-0 in Créteil. Ind'u primu periudu, Andriatsima hà scrittu una reta à a trentesima minuta pà i franciliani. Ed hè issu listessu ghjucadori chì ind'u sicondu periudu hà cunfurtatu u successu di i soi à a 62a. Issa disfatta, ancu puru s'ella hè un affari pessimu, ùn devi purtà tantu timori par avà, postu chì issa squadra di Créteil faci parti di i favuriti pà a cullata in Lega 2. U CAB t'avarà l'uccasioni di richjappà si vennari chì veni in casa soia contr'à Uzès-Pont-du-Gard, una squadra chì colla di CFA anch'ella ma chì hà principiatu meghju u so campiunatu, vincendu nant'à u so tarrenu.
