Football (National) - Bon succès pour le CA Bastia face à Orléans (3-2)
(A redazzioni d'Alta Frequenza) - Arisera (vennari), ind'u quadru di a tredicesima ghjurnata di Naziunali, u CA Bastia hà vintu 3-2 contr'à Orléans, una di i squadri i più ricchi di Naziunali. A partita s'hè ghjucata soprattuttu duranti i vinti ultimi minuti di u primu tempu. Bè lanciatu, Le Mat scrivia una reta appena nanzi à i 16i metri à a 26a. Ottu minuti dopu, hè Darcy, u disgraziatu chì hà battutu u so guardianu, è parmittendu à i cabisti d'avè un scartu più impurtanti. À a 42a, Mangione riducia l'affari pà una squadra d'Orléans pocu trimenda, ma N'Diaye rispundia à a fini parmittendu à i bastiacci di vultà à a pausa cù 3-1. Dopu, u sicondu periudu hè statu menu appassiunanti, u CAB fendu una gistioni tranquilla di a so avanza contr'à una squadra visitori appena più bona cà ind'u primu tempu. Di modu troppu tranquillu si pudaria dì ancu, Sala ridendu una piccula spiranza à a so squadra d'andà à circà u risultatu à paru à a 79a, ma i cosi duviani firmà cusì. Dopu à issa vittoria, u CAB hè ottesimu, cù cinqui punti di scartu di pettu à u terzu ma dinò nant'à u primu di a zona di rilegazioni.
On écoute Stéphane Rossi, l'entraîneur du CAB.
Sur le même sujet
