Football (Ligue 2) - Victoire de l'AC Ajaccio dans le derby face au SC Bastia (2-0)
In ghjocu à ballò, hè l’AC Aiacciu chì hà vintu u cunfrontu contru à u SC Bastia, cù un marcu di dui à zeru.
A prima parti di scontru hè stata chjusa è dissappita. À pena innanzi à u posu, Bonhert era sclusu parvia d’un gattivu gestu contru à Youssouf, è lacaia dunqua i bastiacci à deci pà u restu lla partita.
Dopu à u posu, l’aiaccini si faciani di più prisenti è tocca l’ora, Bammou marcaia, ripiddendu di capu un centru di Quemper.
I bastiacci issendu tandu scuzzulati bè, l’aiaccini l’ani presu a suprana, è si facia tandu valè com’è mai Ben Touré.
Passati 89 minuti, rimittia a biscica à Barreto chì sciaccaia u sicondu marcu aiaccinu.
Cù issa vittoria, l’omini d’Olivier Pantaloni dani à l’ACA u so primu derby di iss’ultimi quindici anni.
