Football (Ligue 2) - Un bien insipide SC Bastia rechute face à Rodez (0-2)
Sabbatu in Furiani, pà u contu lla 25esima ghjurnata llu campiunatu di siconda divisioni, u SC Bastia hà ripresu à torcia strada, andendu à perda dui à zeru contru à Rodez.
Cacciati uni pochi d’intinzioni d’Alfarela, i bastiacci ùn sò mai stati piriculosi contru à issa squadra bedda solida in difesa.
Passata una meza ora, Haag ripiddaia di capu un calciu d’angulu par sciaccà a biscica in a cabbia bastiaccia.
Pochi pratichi è senza geniu, i Turchini ùn ci sò sbuccati micca !
Dopu à 55 minuti di ghjocu, Hountondji, da i vinti metra, ingannaia à Placide è mittia u sicondu marcu di Rodez.
U Sporting si hè fermu abbambanatu pà u restu llu scontru, lachendu à Rodez gistiscia u so risultatu.
Cù issa disfatta, è cù issa poca qualità di ghjocu ch’impinsirisci à veru, u Sporting hè 16esimu, è t’hà dui punti d’avanzu à nantu à a parti piriculosa lla classifica.
Sur le même sujet
