Football (Ligue 2) - Le SC Bastia s'incline à Amiens au terme d'une faillite d'arbitrage (2-1)
Photo : Gérard Baldocchi
Pà u contu lla terza ghjurnata llu campiunatu di siconda divisioni, u SC Bastia hà persu 2 à 1 in Amiens.
Ma veni posta quantunca a quistioni di l’arbitratu.
Issendu si fatti piddà a suprana in a prima parti llu scontru, i bastiacci ani incasciatu un marcu cù un tiru di Mafouta, sviatu da Dramè, dopu à 38 minuti di ghjocu.
Cinqui minuti dopu, ebbini una bedda riazzioni i Turchini : dopu à un calciu d’angulu, un beddu stucciu tiratu da fora à l’arghja di riparu era sviatu - una volta di più ! - da Dramé, pà u primu marcu bastiacciu.
Par disgrazia, trè minuti dopu, u Sporting incasciaia un altru marcu, via un stucciu di Gélin.
Senza ghjimbà mai u spinu, i bastiacci circaiani à purtà u piriculu davanti à a cabbia di i lucali.
Dopu à 79 minuti di ghjocu, un tiru d’Alfarela hè statu cuntratu da un difindidori d’Amiens.
È tandu cuminciò u spittaculu di Pierre Legat, l’arbitru di u scontru.
Avendu datu un calciu di riparu à i bastiacci, hà cambiatu a so dicisioni, mintuvendu una marca di ballonu in faccia à u ghjucadori d’Amiens.
Issu cambiamentu sciminu missi un pocu di tinsioni, chì u Sporting tandu ùn a li facia à vultà à marcu pattu.
In fin’di scontru, l’arbitru hà sclusu u guardianu bastiacci Johny Placide, senza altru mutivu chè quiddu d’avè sfrumbulatu u ballonu dopu à a fini di scontru.
Parvia d’issu pessimu spittaculu, Bastia si ni fala nuvesimu à a classifica.
Ci vurrà dunqua à ripiddà si contru à Troyes, sabbatu ch’entri.
Sur le même sujet
