Football (Ligue 2) - Le SC Bastia réagit suite aux accusations de racisme à son encontre après le match à Bordeaux
Dopu à u scontru di u SC Bastia in Bordeaux sabbatu, pà u contu llu campiunatu di siconda divisioni, hè nata una pulemica à mutivu di razzismu.
Parsoni liati à Malcom Bokélé, u ghjucadori di Bordeaux, ani publicatu fotò di missaghji razzisti sparti dopu à u scontru à nantu à a reti suciali Instagram.
Luni, issa pulemica si hè fatta altra à nantu à BeIn Sports, ind’iddi sò stati ripresi l’accusazioni di razzismu purtati da i Girondins de Bordeaux, dirittamenti contru à certi ghjucadori è membri di a dirizzioni di u SC Bastia.
U Sporting hà riagitu marti matina dindu ch’iddu « cundanna di manera chjara è netta ugni razzismu o discriminazioni, com’iddu l’hà sempri fatta.
Eppuri, u Sporting ùn pò lacà imbrutta cusì a so imagina da a cumunicazioni ambigua di Bordeaux, chì vurria fà creda chì certi ghjucadori, membri di a dirizzioni o sustinidori prisenti achini lintatu inghjulii razzisti ».
A squadra si teni u drittu d’avvià subitu prucidimenti ghjudiziarii contru à ugni parsona chì a mittaria in causa.
Sur le même sujet
