Football (Ligue 2) - Le président du SCB contre-attaque sur le dossier des incidents du match Bastia-Lens
(A redazzioni d’Alta Frequenza) - Stamani, duranti à una cunfarenza di stampa, u presidenti di u Sporting, Pierre-Marie Geronimi, hà riagitu nant’à u cartulari di l’incidenti di a partita Bastia-Lens. Prima dicisioni, a maiò parti di i dirighjenti, di regula in bordu di u tarrenu, ricullarani in tribuna. Una dicisioni vulintaria è micca isciuta di un mea culpa, iss’ultimi essendu ind’u so dirittu. Altru annunziu, quilla di cuntatti cù a CAB da pudè truvà suluzioni matiriali pà rimetta l’impiecati di stadiu in tribuna. U presidenti di a squadra hà criticatu dopu l’attitudini di i media naziunali contr’à u Sporting. Hà sottulineatu l’insulti à buzeffu di u bancu è di i ghjucadori di Lens duranti u scontru, una essendu à carattaru razzistu contr’à i Corsi. Infini, puntu u più impurtanti, s’è a LFP hà dicisu di cundannà a squadra, iss’ultima farà appellu da tutti i mezi pussibuli. Infini, u Sporting rivindicheghja una paranoia, cunsidarendu si vittima di una ghjustizia d’eccezzioni.
On écoute le président bastiais Pierre-Marie Geronimi
