Football (Ligue 2) - Le GFC Ajaccio conserve finalement son match nul contre le Paris FC
(A ridazzioni d'Alta Frequenza) - È si parla, una volta di più è forsa l’ultima, di u scontru GFC Aiacciu-Parigi FC. Ramintemu ch’iddi sò parichji mesa ch’iddu ci hè un cumbugliu pà u ghjucadori Aaron Boupendza : a so squadra l’avaria fattu ghjucà mentri ch’idd’era suspesu. In prima, a LFP avia cuntatu a partita persa pà u GFCA. In appellu, era cambiata issa dicisioni. Po’ u Parigi FC avia purtatu u cartulari à u CNOSF chì avia prupostu, da cunciliazioni, di dà partita persa à u GAZ, è dunqua i trè punta à Parigi. Ma issu luni, a LFP hà dittu c’idd’avia ricusatu, u Parigi FC, a cunciliazioni llu CNOSF. Saria dunqua mantinutu u marcu d’urighjina llu scontru, chì era 1 à 1. Pari curiosa chì a squadra di Pierre Ferracci achi ricusatu una cunciliazioni à so favori, ma l’affari arranghja bè à l’aiaccini, chì ricuparighjani cussì un puntu.
