Football (Ligue 2) - L'heure de la reprise a sonné pour le SC Bastia
Luni matina, sò 17 i ghjucadori ad avè ripresu l’addistramentu cù u SC Bastia.
Trà quissi, i trè primi ghjucadori ghjunti pà issa staghjoni : Matéo Loubatières, Facinet Conte è Floian Bianchini.
Kevin van den Kerkhof, Florian Bohnert è Dylan Tavarès ani da ripiddà in i ghjorna à vena, chì sò stati sullicitati in fin’ di staghjoni da i so silizzioni.
Ma pudaria cambià dinò, l’effettivu di u Sporting : Van den Kerkhof è Magri, sullicitati bè, pudariani ancu parta par casu ch’idda venga una bedda pruposta.
Quattru altru ghjunti sò aspittati da Régis Brouard, masimu in difesa, è certi pudariani essa ufficializati issa sittimana.
Cù issi cinqui sittimani d’appruntera, si circarà à cundiziunà l’effettivu à issu campiunatu di siconda divisioni, ind’iddi sò oramai outsider i bastiacci, dopu à a bedda staghjoni d’annu.
Steti à senta à Régis Brouard.
À pena innanzi à a so ripesa, i ghjucadori sò stati accolti da un discorsu di u prisidenti Claude Ferrandi, chì hà vulsutu indittà u seriu è u rigori com’è valori maestri di a riescita.
Steti à senta à Christophe Vincent, u capitanu bastiacciu.
Sur le même sujet
