Football (Ligue 2) - L’ACA tenu en échec par Dunkerque (2-2)
Pà u contu llu campiunatu di siconda divisioni, l’AC Aiacciu ricivia arisera, è senza publicu, à Dunkerque.
Presi subitu da una squadra nurdista bedda ardita, i Russi è Bienchi incasciaiani un marcu tocchi i 19 minuti di ghjocu.
À u posu, parvia di u pessimu ghjocu di i lucali, Dunkerque era davanti gramazia à un marcu di Gnanduillet.
In a siconda parti lu scontru, l’omini d’Olivier Pantaloni si faciani più asatti, è u ghjovanu Touré – un ghjucadori di u centru di furmazioni aiaccinu – rimittia i squadri à marcu pattu dopu ripresu un centru di Bayala. Ma à pena dopu, Dunkerque ripiddaia a suprana via Boissière, dopu à un calciu d’angulu.
Passati uni pochi di minuti, Touré era lampatu in tarra in l’arghja di riparu di Dunkerque ma l’arbitru, cunsidarendu ch’iddu facia neci, li missi una siconda carta giadda chì valia sclusioni.
À deci, è arrabbiati da issu sbagliu di l’arbitru grevu di cunsiquenzi, i Bianchi è Russi riviniani à marcu pattu, Chanot dendu a biscica à Balaya, chì scruciaia u guardianu Balijon.
U scontru si hè finitu cù issu marcu di dui à dui.
A prima parti llu scontru hè stata à veru mal’ presa da i lucali, ma si ritinarà a so bedda energia à deci è u sbagliu calamitosu, chì forsa l’hà cacciatu a pussibilità d’una vittoria.
