Football (Ligue 2) - L'ACA se promène sous la pluie grenobloise et continue de se rapprocher des sommets (0-3)
Photo : AC Aiacciu
L’AC Aiacciu ghjucaia sabbatu contru à Grenoble, chì hè in a parti alta lla classifica di a siconda divisioni, è chì sinu ad avali ùn avia persu in casa soia.
À tempu attaccatu u scontru, ani presu u ghjocu in mani l’aiaccini. À a terza minuta, Jabol-Folcarelli rimittia in a cabbia di i lucali un centru di Quemper.
Passati 26 minuti, Mohamed Youssouf truvaia à Marchetti chì mittia u sicondu marcu di i Bianchi è Russi.
Dopu à u posu, l’ACA ghjucaia più bassu, aspittendu i so avvirsarii par inizià contrattacchi.
À a 52esima minuta, partitu fora di ghjocu ma senza essa signalatu da l’arbitru, Touzghar sirvia à Jacob chì mittia u terzu marcu aiaccinu.
Cù issa vittoria pesca suttu à i trombi di l’acqua, l’ACA ricodda in sesta pusizioni, cù un puntu solu di scartu cù u quintu.
Par disgrazia, Bammou è Jacob si sò ferti, andendu ancu iddi à empia a infirmaria.
