Football (Ligue 2) - L’ACA mal récompensé face à Rodez (1-1)
Pà issa prima ghjurnata llu campiunatu di siconda divisioni, l’AC Aiacciu ricivia à Rodez senza publicu.
Dopu à sei minuti di ghjocu, Quemper pirdia a maistria lla biscica è Rajot, rippidendu un centru marcaia pà Rodez, chì tandu era davanti cù un marcu di unu à zeru.
Passatu issu mumentu dilicatu, l’AC Aiacciu piddaia a suprana in issu scontru, mittindu si parichji volti in situazioni favurevuli.
Ed hè cussì chì, ghjustu innanzi à u posu, Touzghar mittia una capata ch’iddu ùn pudia parà u guardianu di Rodez.
Dopu dati ottu minuti di tempu in più, l’arbitru lintaia i dui squadri cù issu marcu di unu à unu.