Football (Ligue 2) - L'AC Ajaccio se déplace à Quevilly-Rouen
(A redazzioni d'Alta Frequenza) - Ripresa di u campiunatu di Liga 2 ssu vennari à sera à 8 ori dopu à calchì ghjornu didicatu à i selezzioni naziunali. L’AC Aiacciu, sicondu, ghjucarà nant’à u tarrenu di u diciottesimu, Quevilly Rouen. L’Aiaccini, chì fermani sempri nant’à una dinamica bunissima, duvarani fà casu à ssu scontru chì s’assumiglia à una trappula. In fatti, a squadra lucali, dopu à parechij simani d’esiliu, hà da ritruvà infini u so stadiu, chì hà cunnisciutu travaghji ; un evenimentu chì duvaria fà vena parechji millai di parsoni. I ghjucadori d’Olivier Pantaloni vularani buscassi à u minimu un puntu, cù u scopu di firmà nant’à u podium dopu à ssa ghjurnata.
