Football (Ligue 2) - Jean-Jacques Mandrichi rejoint le CA Bastia
(A redazzioni d'Alta Frequenza) - Dopu avè uttenutu in principiu di settimana l'imprestitu di u mezu di tarrenu di l'AS Monacu Adil Assana (20 anni), u CA Bastia hà arrighjistratu a ghjunta di un novu ghjucadori, micca scunnisciutu ind'un mondu di u ballò corsu. In fatti, l'ecchisi attaccanti di l'AC Aiacciu, di Grenoble, di u GFC Aiacciu, è pocu fà di u Red Star Jean Jacques Mandrichi, libaru di firmà qualsiasi cuntrattu, s'hè ingaghjatu pà una staghjoni cù u club cabistu. Mandrichi, 29 anni, natu in Bastia è furmatu à u Sporting, ritrova dunqua a siconda divisioni, dopu à sei mesi ind'u rughjoni parighjinu. L'attaccanti isulanu chì, rammintemu la, hà cuntribuitu d'una certa manera à a cullata di u CAB in Lega 2, u so duppiettu contr'à Fréjus duranti l'ultima ghjurnata di Naziunali avendu parmissu à i bastiacci di passà nant'à u podium è di salvà à tempu a furmazioni di u Red Star di a falata in CFA.
Sur le même sujet
