Football (Ligue 2) - Débâcle pour le SC Bastia face à Saint-Etienne (0-4)
Pà a 29esima ghjurnata llu campiunatu di siconda divisioni, u SC Bastia hà tuccatu u fundu contru à Saint Etienne, chì hà lacatu in Furiani una valisgia di quattru marchi.
Eppuri l’affari pariani avvià si bè : à a prima minuta, parvia d’un gattivu gestu contru à Alfarela, u Sporting uttinia un calciu di riparu. Ma par disgrazia, u guardianu Larsonneur a l’hà fatta à parà lu !
Dopu à un quartu d’ora, Vhambost marcaia un calciu d’angulu guasgi direttu par Saint Etienne.
Saint Etienne chì, d’altrondi, si buscaia un calciu di riparu à a fini lla prima parti di u scontru, cunversu da Mbuku.
Dopu à u posu, , u Sporting hà calatu u capu in tuttu, piddendu si un terzu marcu dopu à 68 minuti, via un tiru à rasciulonu di Cardona.
Po’ Mbuku, ricuparendu un ballonu persu, marcaia una quarta volta pà Saint Etienne.
U Sporting pò quantunca ringrazià à Pau : gramazia à a so vittoria contru à Concarneau, i Turchini fermani à a sedicesima piazza, cù punti quant’è u primu à falà.
Una poca cunsulazioni, pà issa squadra bastiaccia spinta in tuttu !
