Football (Ligue 1) - Un SC Bastia laborieux mais victorieux face à Rennes (1-0)
(A ridazzioni d'Alta Frequenza) - Luntanu da i so loca, u SC Bastia a l’hà fatta à truvà a via lla vittoria di pettu à Renna, cù un marcu di 1 à 0. Unu scontru chì s’hè ghjucatu à chjusu usciu. In prima parti supr’à tuttu, a partita hè stata marcata da l’annoiu, cù dui squadri moddi muddanci. In siconda parti, cù a intruta di Saint Maximin, hè parsu più rinchersu u Sporting, u ghjucadori scumudendu a difesa rinnesa. Fù iddu à cintrà a 68° minuta par Ngando, chì rimissi à Crivelli, iss’ultimu marchendu di pettu à Costil. Dopu à issu marcu, ùn fù bedda tantu a partita, ma a vittoria c’era. Sempri ultimi di a classifica, i bastiacci ùn sò più chè à dui punta lla bucca ll’infernu, è à unu llu scontru di spartera. Ma l’almanaccu ùn hè tantu d’improdu, cù un viaghju in Parigi sabbatu ch’entri, l’accolta di Lorient a sittimana dopu (forsa in Fos-sur-Mer), un viaghju in Marseglia pà l’ultima ghjurnata, è pò ancu essa unu scontru cù Liò à righjucà. Matematicamenti, si pudaria guasgi fà u sforzu di creda ci...
Sur le même sujet
