Football (Ligue 1) - Un nul bien terne pour le SC Bastia face à Toulouse (0-0)
(A redazzioni d'Alta Frequenza) - Pà a 34a ghjurnata di Lega 1, u Sporting Club di Bastia hà fattu un risultatu à paru, 0-0, contr'à u Toulouse FC. I bastiacci ani principiatu u scontru straziendu appena, fendu certi sbaglii frà altru contr'à visitori bè urganizati, manchendu d'incascià si una reta parechji volti. Un principiu di partita chì hà toccu dopu tuttu u primu tempu, di qualità propiu pessima pà i bastiacci. Dopu à a pausa, u Sporting hà cambiatu di visu, essendu di più ingaghjatu di pettu à u primu tempu cù pricisioni in più è menu spazii pà l'avversarii, ma i bastiacci ani ricuminciatu à ghjucà di listessa manera cà prima, ancu s'elli si sò mustrati appena di più periculosi. L'attacchi bastiacci puru numarosi erani sempri vani parchì mal ingaghjati, i visitori elli si sò cuntintati di difenda. Un risultatu à paru meritatu dopu à issu spettaculu bellu tristu. À a fin di issa partita, u Sporting hè 13u cù sei punti in più di pettu à a prima squadra inde a zona rossa.
Ecoutez l'entraîneur bastiais, Frédéric Hantz.
