Football (Ligue 1) - Un déplacement de tous les dangers pour le SC Bastia à Saint-Etienne
(A redazzioni d'Alta Frequenza) - Ssu sabbatu à sera à 8 ori, u Sporting Club di Bastia, ultimu, và ind'è u quattriesimu di u campiunatu di Liga 1, Saint Etienne, pà a 17a ghjurnata. È ind'u Chaudron, ci vularà à essa assai attenti. Ci voli à dì chì tuttu riesci à i Verdi ss'ultimi sittimanai, cù par asempiu dumenica scorsa u primu derby vintu in casa dipoi u 1994 contr'à Liò è cù a manera. Una bunissima squadra contr'à quali i ghjucadori di u Sporting, sempri tocchi da a disfatta contr'à Evian, duvarani fà propiu casu pà spirà di buscassi un puntu à u minimu. Tuttu què forsa senza u paghju di difensori cintrali Squillaci-Modesto, postu chì u primu hè feritu è chì u sicondu ùn hè micca sicuru di pudè ghjucà, ma dinò senza Floyd Ayité, feritu à a coscia. L'unica spera hè u ritornu di Tallo ind'u gruppu chì pudarà arricà una suluzioni uffensiva in più è u ritornu di suspensioni di Drissa Diakité.
Steti à senta à Ghislain Printant, l'intrenori di u Sporting.
