Football (Ligue 1) - Sylvain Marchal quitte le SC Bastia pour Metz
(A redazzioni d'Alta Frequenza) - A fin di a settimana hè ricca di muvimenti ind'u Sporting Club di Bastia. Dopu à l'imprestitu di Gianni Bruno da Lille, chì duvaria essa ufficializatu nanzi à u principiu di a settimana chì veni, una partenza hè stata cunfirmata. In fatti, u difensori cintrali Sylvain Marchal hà resiliatu u so cuntrattu cù u SC Bastia. Quissu quì s'hà da ingaghjà cù u club chì l'hà furmatu, u FC Metz, duva ellu duvaria compia a so carriera prima d'occupà altri funzioni in ssu club quì. Voli dì dinò, à senta i parolli di Frédéric Hantz à l'uccasioni di a ripresa, chì u Sporting pudaria arrighjistrà in furia a ghjunta di u so rimpiazzanti in difesa cintrali, un cartulari chì ci vularà à suvità da vicinu.
