Football (Ligue 1) - Sylvain Marchal arrive au SC Bastia
(A redazzioni d'Alta Frequenza) - U Sporting Club di Bastia hà ufficializatu a ghjunta di Sylvain Lemarchal, difensori cintrali di 32 anni, ghjunghjendu da Saint-Etienne. Quissu quì hà resiliatu u so cuntrattu cù a squadra verdi pà firmà à u Sporting. È si pò dì ch'ellu hè un bunissimu affari pà un club chì colla di Lega 2 è chì circava sparienza inde issu settori. In fatti, Sylvain Marchal rializeghja una carriera di prima trinca, cù 231 scontri ghjucati in Lega 1 frà i quali 217 com'è titulariu, ciò chì ghjustificheghja a bona qualità di i so partiti sottu à i culori di Metz, Châteauroux, Lorient è Saint-Etienne, duva ellu hà fattu 30 scontri a staghjoni scorsa cù 29 titulariu. Hà da raghjunghja u gruppu bastiacciu luni chì veni.
