Football (Ligue 1) - SC Bastia : Frédéric Antonetti réserve sa réponse
(A redazzioni d'Alta Frequenza) - A seria inghjiru à a ghjunta di Frédéric Antonetti à u SC Bastia ghjoca i prulungazioni. In fatti, dopu à più di quattru ori di riunioni ssu marcuri à sera, i dirighjenti di u SC Bastia è l'intrenori natu in Vinzulasca ùn ani ancu trovu un accordu. Frédéric Antonetti voli pighjà u so tempu pà pudè rifletta, cù a so famighja, prima di dà una dicisioni pusitiva o negativa. Un affari hè sicuru, quissa quì hà da intarvena nanzi à a fin di a sittimana, ma par avà, u cumitatu direttori mubilizeghja tutti i so forzi annant'à ssu cartulari chì saria, senza cuntistazioni pussibuli, a scelta a più bona pà fà sorta u Sporting da a so situazioni pessima. Un cartulari chì, s'ellu duvia fiascà, prulungaria assai u prucedimentu è vidaria l'intrenori pruvisorii Ghislain Printant è Hervé Sekli intrenà a squadra ssu sabbatu à u minimu contr'à Montpellier.
Sur le même sujet
