Football (Ligue 1) - Le SC Bastia confirme François Ciccolini jusqu'en 2018
(A redazzioni d'Alta Frequenza) - Mentri ch'ella s'avvicina a fini di a staghjoni in Liga 1, u SC Bastia hà presu una dicisioni impurtanti pà u so avvena. In fatti, u cumitatu direttori di u Sporting hà dicisu di cunfirmà François Ciccolini à u postu d'intrenori di ssa squadra, uffrenduli cusì una prulungazioni di cuntrattu d'un annu pà ghjunghja fin'è u 2018. A scelta di a suluzioni interna è di a stabilità, inveci di pighjà un intrenori novu, postu chì quand'ellu hà presu i so funzioni dopu a partenza di Ghislain Printant, François Ciccolini duvia compia solu a staghjoni attuali. I so aghjunti Hervé Sekli è Benoît Tavenot sò stati prulungati dinò fin'è u 2018; prulungazioni chì intarvenini dopu à quilli, calchì ghjornu fà di Cahuzac, Leca, Cioni, Peybernès è Djiku. Da un'antra banda, è sempri pà ciò chì tocca i bastiacci pà u derby di dumenica, u Sporting hà dicisu di dilegà a vendita di i 326 piazzi di a parti visitori di u stadiu Ange Casanova à u gruppu di sustenidori Bastia 1905 di quali ci voli à avvicinassi par avè i bighjetti à partasi di ssu marcuri à sera à 6 ori.
Sur le même sujet
