Football (Ligue 1) - La victoire de l'espoir pour l'AC Ajaccio contre Rennes (1-0)
(A redazzioni d'Alta Frequenza) - In Lega 1, l'AC Aiacciu hà signatu stasera (dumenica) a so siconda vittoria di a staghjoni, contr'à u Stade Rennais, una reta à zeru. Dopu à un primu periudu equilibriatu quantunqua, cù un picculu vantaghju pà l'aiaccini, iss'ultimi s'ani da dà di rimenu duranti u sicondu tempu. Firmendu solidi, cumbattivi è pazienti, contr'à Brittoni di poca putenza è scunnisciuti, i ghjucadori di OIivier Pantaloni ani da rescia à scriva una reta à l'83a minuta, grazia à una rialisazioni di u difensori internaziunali di u Malì, Fousseni Diawara, cullatu à l'attaccu. Una sorti filici chì l'isulani ùn aviani più cunnisciutu dipoi più di trè mesi, era in Timizzolu contr'à Valenciennes. Un successu chì ridà a sperenza à a casa "Rossa è Bianca" è chì li parmetti di rivena à sei punti u 17u è u 16u, Dijon è Sochaux ; iss'ultima squadra chì ghjucarà ghjustu appuntu contr'à l'ACA marcuri chì veni inde u Doubs.
Ecoutez la satisfaction de l'entraîneur ajaccien, Olivier Pantaloni
