Football (Ligue 1) - La suspension de terrain du SC Bastia temporairement suspendue
(A redazzioni d'Alta Frequenza) - Affari novi ind'u cartulari di a suspensioni di tarrenu di modu cunservatoriu pà u Sporting Club di Bastia da a Lega di Ballò Prufessiunali. In fatti, dopu à u lanciamentu di a prucedura d'appellu da u cantu di a cummissioni d'appellu di a Federazioni Francesi di Ballò, prucedura micca suspensiva, u Sporting hà utilizatu u sicondu mezu ind'i so armi ghjuridichi pà cuntistà a sanzioni. Sicondu u presidenti di u Sporting Club di Bastia, Pierre Marie Geronimi, u Cumitatu Naziunali Olimpicu è Spurtivu Francesi, u CNOSF, hà accittatu a dumanda in accordu furmulata da u club. Iss'accordu cù a LFP si farà ghjovi à 2 ori è 30 ind'i lucali di u CNOSF. Da quì à tandu, a suspensioni di u stadiu Armand Cesari hè suspesa, ciò chì laca un spera à u Sporting di fà u so scontru Bastia - Nancy in Furiani, o di veda la rimandata par via di una mancanza di tempu, a partita duvendu essa ghjucata sabbatu.
