Football (Ligue 1) - L'ACA victime de deux penaltys à Clermont (2-1)
Avarà dighjà, sicuramenti, un pedi in siconda divisioni, l’AC Aiacciu.
À veda ni a partita è u liveddu di ghjocu d’issa duminica in Clermont, ci hè u parchì à imaginà si una fini di staghjoni altra !
Eppuri, aviani marcatu i primi, l’aiaccini : dopu à un beddu travaddu di Spadanuda, El Idrissy pirmittia à i soi di passà davanti à u posu.
Ma cacciata iss’uccasioni, ani suffertu l’aiaccini contru à issa squadra di Clermont, ch’ùn era mancu po’ trimendi !
Dopu à u posu, ani rigalatu dui calci di riparu à i lucali : u primu parvia di Vidal, dopu à sissanta minuti ; u sicondu parvia di Alphonse, in u tempu datu in più.
Senza cuntà chì, passati i 77 minuti di ghjocu, Youssouf era sclusu, lascendu si i Russi è Bianchi in deci.
À novi ghjurnati lla fini lla classifica, pari ch’iddu sichi missioni impussibuli u mantinimentu.
