Football (Ligue 1) - L'ACA enchaîne, sort de la zone rouge et enfonce Angers (1-0)
La joie des Ajacciens après l'ouverture du score (photo : Jean-Noël Casanova)
Marcuri dopu meziornu, l’AC Aiacciu si hè pittughjatu in Timizzolu à Angers, pà a ripresa llu campiunatu di prima divisioni.
Si sò fatti valè subitu, l’aiaccini, è ci hè mancatu pocu ch’iddu marchi tocca a prima minuta, El Idrissy.
Humou, pà Angers, tuccaia un palu aiaccinu dopu à 18 minuti, ma erani quantunca i Russi è Bianchi à piddà a suprana in a prima parti llu scontru. À pena innanzi à u posu, Youcef Belaili marcaia un calciu di riparu pà l’ACA.
À a ripresa, Angers ghjucaia più altu, ublichendu ancu à Benjamin Leroy, à a 57esima minuta, à caccià in calciu d’angulu un tiru di Salama.
È fà è fà, l’aiaccini tiniani u colpu è u risultatu, a partita finindu si cù issu marcu di
1 à 0.
Cù issi trè punti, l’ACA ricodda à a 14esima piazza, ma s’aspettani ben’intesa l’altri risultata.
Hè da nutà chì pà l’ottu scontri passati, l’ACA si hà buscu 14 punti.
Steti à senta à Olivier Pantaloni.
