Football (Ligue 1) - L’AC Ajaccio veut entretenir l’espoir face à Rennes
(A redazzioni d’Alta Frequenza) - Diciottesima ghjurnata di Lega 1, l’AC Aiacciu, sempri ultimu di u campiunatu cù 9 punti, ricevi in fin di dopu meziornu (dumenica), u Stade Rennais, 5u cù 20 unità di più cà i « Rossi è Bianchi ». Dopu à un risultatu à paru chì ùn hè micca bastatu in Nancy a settima scorsa, l’aiaccini pruvarani à cuntrà i prunostichi buschendu si un successu contr’à i Brittoni. Avversarii di prima trinca chì sò i ghjucadori di Federicu Antonetti, quatriesimu più bona furmazioni fora di i so lochi, ma firmendu quantunqua nant’à un’eliminazioni in mità di settimana in Europa Ligue, contr’à l’Atletico Madrid. Da u cantu di u gruppu aiaccinu, pochi cambiameni di pettu à u scontru di Nancy, N’Diaye essendu frà altru sempri suspesu. Una partita chì l’isulani pruvarani à neguzià à u meghju, da pudè spirà una vittoria, è dunqua tena calchì spera di mantenimentu in Lega 1. Un’uppusizioni da principià à 5 ori di sera, à u stadiu François Coty.
