Football (Ligue 1) - L'AC Ajaccio concède le nul à Nantes après être passé tout près de la victoire (2-2)
L’AC Aiacciu, chì hà cuncessu a partita patta (2 à 2) in Nantes, pò avè calchì rigretu.
Pà issa quindicesima ghjurnata llu campiunatu di prima divisioni, a squadra corsa hà presu subitu a suprana. Dopu à u posu, passati 55 minuti, Belaili marcaia un calciu di riparu. Dopu à 66 minuti, Belaili rimittia a biscica à Hamouma chì scaiccaia u sicondu marcu aiaccinu.
Quattru minuti dopu, Blas marcaia pà Nantes. Po’ in fin di scontru, un centru di Moses Simon hà surpresu à Leroy è si n’hè intrutu in a cabbia corsa.
Ci hè à veru di chì avè a stizza chì vincindu issa partita, l’omini d’Olivier Pantaloni sariani isciuti da a parti piriculosa di a classifica.
Oramai 18esimi, ùn sò chè à un puntu di u quindicesimu, ma issu campiunatu hè beddu strintu in a parti suttana lla classifica.
