Football (Ligue 1) - Eduardo a signé dix-huit mois à l'AC Ajaccio
(A redazzioni d'Alta Frequenza) - L'attaccanti bresilianu di u RC Lens, Eduardo, sarà bè aiaccinu, è què pà un annu è mezu. Iss'ultimu hè ghjuntu in fatti ind'a cità imperiali arimani (marti) da pudè scuntrà i dirighjenti di l'AC Aiacciu. Quissu quì hà passatu cù successu, a tradiziunali visita medicali, nanzi d'ingaghjà si di modu ufficiali cù a squadra. U ghjucadori sarà prisintatu à a stampa stamani (marcuri) à 9 ori. L'ACA pudarià pighjà unu, o ancu dui altri elementi, da dà si u più pussibilità pà a corsa à u mantinimentu. Un ghjucadori novu à carattaru uffensivu, è un latirali à manca sò bramati da Olivier Pantaloni, l'allenatori di a squadra.
Sur le même sujet
