Football - La Squadra Corsa et le Nigéria dos à dos (1-1)
(A redazzioni d'Alta Frequenza) - Mentri una partita amichevuli, a Squadra Corsa è u Nigeria ani fattu un risultatu à parità ssu vennari à sera in Timizzolu, 1-1. Sò i Corsi chì ani scrittu a prima rialisazioni à a 3a minuta, grazia à un penalty trasfurmatu da Jean Jacques Mandrichi. Deci minuti nanzi à a fini, a quarantesima nazioni in a classifica FIFA, ghjunta fin'è l'ottesimi di finali di l'ultima Cuppa di u Mondu, dopu à parechji uccasioni fiascati contr'à un bunissimu guardianu isulanu Nicolas Penneteau, ci l'hà fatta à vultà à paru, quì dinò grazia à un penalty. Una partita com'è a cunclusioni d'una staghjoni cumplicata pà i clubs bastiacci, cù dui falati, è mezana pà i furmazioni aiaccini. Torna una bella festa di u ballò è una Squadra Corsa chì vedi spuntà una generazioni nova di ghjovani ghjucadori chì prumettini assai.
Steti à senta à Jean Michel Cavalli, l'intrenori di a Squadra Corsa.
Sur le même sujet
