Football - L'AJ Biguglia remporte la Coupe de Corse face à L'Ile-Rousse
(A redazzioni d'Alta Frequenza) - Billissima parfurmenza arimani (ghjovi) di l’AJ Biguglia, club di Divisioni d’Unori, contr’à L’Isula, furmazioni d’altissimu nivellu in CFA 2, in finali di a Cuppa di Corsica. Annant’à u tarrenu di u Stadiu Armand Cesari di Furiani, i ghjucadori di l’AJB ani criatu a surpresa battendu i balanini unu à zeru, grazia à Jacquot. A Cuppa di Corsica, chì era dipoi trè anni in Calvi, in Balagna, passa dunqua oramai ind’u rughjoni bastiacciu, pà u più grandi piacè di i ghjucadori, di u staff, di i dirighjenti è di i sustenidori di l’AJB.
