Football - En amical, SC Bastia et GFC Ajaccio se séparent sur un score nul et vierge (0-0)
(A redazzioni d'Alta Frequenza) - Ssu vennari , u SC Bastia hà ghjucatu in Corti u so primu scontru amichevuli d'appruntera pà a staghjoni contr'à u GFC Aiacciu, club di Liga 2 chì avia dighjà ghjucatu una partita nanzi. Ssa partita s'hè compia annant'à un 0-0 trà i dui squadri, duranti un scontru induva a priurità era piuttostu di fà parechji provi pà i dui intrenori. Claude Makélélé hà ghjucatu in fatti in 4-3-3 duranti u primu tempu, sperimentendu un mezu di tarrenu à 3 Cahuzac-Gillet-Boudebouz è titularizendu à manca di l'attaccu u ghjovanu Kamano, diciottu anni. Una squadra ch'ellu hà cambiatu di modu sanu o guasgi ind'u sicondu tempu, senza fà mova u risultatu malgradu tuttu, ma l'essenziali ùn era micca quì di tutti i manera pà ssa partita amichevuli. Par essa cumpletti, u CA Bastia, chì hè falatu in Naziunali, hà persu arisera contr'à Istres, club di terza divisioni francesi quì dinò, duranti un scontru amichevuli, dui reti à una in cuntinenti. Infini, prima partita stasera pà l'AC Aiacciu chì andarà in Colomiers (Naziunali), prima di cumincià dumani u so staziu di priparazioni in Anglet.
Sur le même sujet
