Football (Coupe de France) - Le SC Bastia, l'AC Ajaccio, l'AS Furiani-Agliani et la Squadra Valincu connaissent leurs adversaires du 7e tour
Marcuri, sò stati tirati l’imbuschi pà u sittesimu è l’uttesimu ghjiru lla Cuppa di francia.
I squadri corsi cunnoscini dunqua i so avvirsarii pà a duminicata llu 18 di nuvembri, è pà u ghjiru di dopu par casu ch’iddi vincini.
U SC Bastia hà da mova in Lyon-La Duchère, una squadra di Naziunali 3. In casu di qualificazioni, u Sporting hà da mova à ghjucà contru à Thonon-Evian-Genève o contru à Aubagne FC, dui squadri di Naziunali 2.
L’AC Aiacciu hà da andà à ghjucà contru à Toulouse Métropole, una squadra di Righjunali 1. In casu di vittoria, è pà l’uttesimu ghjiru, l’aiaccini ani da riceva à l’US Orléans, o ani da mova à ghjucà contru à una di i trè squadri di liveddu suttanu chì poni ghjucà contru à Orléans.
L’AS Furiani Agliani, chì ghjoca in Naziunali 2, hà da mova à ghjucà contru à l’Olympique Noisy le Sec, chì ghjoca in Righjunali 2. Qualifichendu si pà l’uttesimu ghjiru, Furiani andaria à ghjucà contru à l’Entente Sannois Saint Gratien, una squadra di Naziunali 3, o contru à Saint Michel, chì ghjoca in Dipartimintali 1.
Infini a Squadra Valincu, a squadra isulana a più minori, chì ghjoca in Righjunali 1, hà da andà à ghjucà contru à l’AS Fabrègues, una squadra di stessu liveddu, o contru à l’AS Muret.
Qualifichendu si, andaria à ghjucà contru à a squadra di u Roannais Foot, chì hè in Righjunali 2, o ricivaria u Nîmes Olymique, chì hè in Naziunali.
