Football (Coupe de France) - Le SC Bastia (L2) se qualifie à Marnaval (R1) (0-3)
Dopu à una partita pocu quenta, u SC Bastia si hè qualificatu pà i 32esimi di finali lla cuppa di francia, andendu à vincia 3 à 0 contru à Marnaval, l’ultimu lla so classifica di Righjunali 1.
Longu à a prima ora di ghjocu, ùn a l’hà fatta u Sporting à supranà issa squadra, chì l’hà ancu datu calchì pinseri.
Fatti trè cambiamenta di ghjucadori, i bastiacci ani pussutu piddà a strada lla vittoria.
Tocchi i 70 minuti di ghjocu, via una apartura di Salles-Lamonge, Schur marcaia pà i turchini.
Setti minuti dopu, via un centru di Van den Kerkhof, Santelli ni mittia un sicondu.
In u tempu datu in più, Alfarela mittia u terzu marcu bastiacciu è assicuraia a qualificazioni.
Ma cù u posu internaziunali, hà intaressu à travaddà u Sporting, da attaccà pà u meddu a ripresa llu campiunatu di siconda divisioni, u 26 di dicembri.
Sur le même sujet
